Om Mesterkart 

Mesterkart er eit enkeltpersonføretak, etablert i 2004 av Tore Tonning. Som gründer og eigar har eg sidan starten drive verksemda åleine, men eg samarbeider med erfarne underleverandørar når det gjeld trykking, utskrift og innramming av kart. Grunnlaget for alle kart er nøyaktige og kvalitetssikra digitale kartdata frå Kartverket. Eg legg stor vekt på å levere kart med høg kartografisk kvalitet.

Min faglege bakgrunn inkluderer ei hovudfagsgrad i geomatikk frå Geografisk institutt ved Universitetet i Oslo (eksamensår 1996). Der laga eg mine mine første kart. Etter studietida jobba eg fem år hos Kartverket, og deretter hos Noregs vassdrags- og energidirektorat (NVE). Oppgåvene begge stader var kartproduksjon og geografisk analyse.

Eg er lidenskapeleg oppteken av kart, og det er viktig for meg at kvart einaste kart eg lagar held høg kartografisk standard. Denne kvaliteten blir sett pris på av både kunder og fagfolk, og karta mine har fleire gonger blitt kåra til "beste kart" på nasjonale og internasjonale kartutstillingar.

Kvifor velje Mesterkart?

  • Personleg oppfølging: Når du kontaktar Mesterkart, snakkar du direkte med gründeren, sjefen og kartspesialisten. Her får du personleg og tett oppfølging, i motsetnad til større firma der du ofte må forhalde deg til fleire personar.

  • Kartografisk kvalitet: Eg avsluttar ikkje eit prosjekt før eg er heilt nøgd med resultatet. Her er det ingen økonomisjef som set grenser for antal arbeidstimar, kvaliteten kjem alltid først.

  • Erfaring og ekspertise: Med over 20 års erfaring innan digitale kartdata og kartproduksjon har eg utvikla gode rutinar og effektive arbeidsprosessar, med topp moderne utstyr og programvare.

  • Kvart prosjekt er viktig: Sidan Mesterkart er eit lite firma, er kvart einaste prosjekt, både små og store, viktige. Eg sørgjer for at karta dine blir levert til avtalt tid, med høgaste kvalitet.

  • Kostnadseffektiv drift: Som eit lite føretak med heimekontor, unngår eg store utgifter til kontorlokale, kantine, møterom og reinhald. Det betyr at du som kunde berre betalar for det som er viktig – kvalitetskart.